නුඹ ඇවිදින් ගිහින් වගේ...


පහන් කරන්නට නොහැකි රාත්‍රිය
නුඹ ඇවිදින් සක්මන් කරනා.....
වසා ගන්න බැහැ දෙනෙත් පියන් යුග
නුඹ ඇවිදින් සිහිනෙක  වුන්නා...

මවාගන්න බැහැ මගේ සිහින ලොව...
නුඹ ඇවිදින් තනියට වුන්නා....
හිතාගන්න බැහැ හිතට මගේ අද...
නුඹ කවුදෝ ම සිත තුල රැදෙනා......

සසර නොතේරෙන කමට මගේ ඔහේ
නුඹ ළඟ දැවටී පෙම් කෙරුවා....
අනියත දිවියක අරුත පසක් කර.
නුඹ මා හැර යා යුතු බව කීවා....

සිහිනය හිස්විය රැයද පහන්විය
නුඹ ඇවිදින් ආපසු ගොස් තිබුණා....
වසාගන්න බැරි දෙනෙත් පියන් අඟ
සීතල කඳුලක් ඉතිරිවුනා...........

පුළුවන්නම් විසදන්න....(මාර සිම්පල් හොදේ)

මේකයි සීන් එක ඔය පල්ලෙහායින් තියෙන පින්තුරේ තමයි සිද්ධිය තියෙන්නේ බැලු බැල්මට පේනවා‍නේ මේක ටිකක් ඔය ගණිතය හා සම්බන්ධ වැඩක් කියලා..ඉතින් කට්ටිය ඔය පොඩි කොල කෑල්ලක්,පෑනක් එහෙම අරගෙන සෙට් වෙන්නකෝ, මම දෙන්නම් ගැටළුව...(මේක මගේ ගැටළුවක් නෙමෙයි අපේ නංගී කෙනෙක් මගෙන් ඇහුව ගැටළුවක්)


ඔය ඒ, බී, සී, කියලා නම් කරලා තියෙන්නේ දේවාල තුනක්ලු (දන්නවනේ ඉතින් දේවාල ගැන) ඔය එක්ස් කියන ප්ලේස් එකේ ඉන්න  මෑන් ළඟ යම් කිසි මුදලක් තියනවලු මිනිහා :ඒ: කියන දේවාලෙට යනකොට අතේ තියෙන ගානිත්(මුදලින්) රු.10 කට තට්ටු වෙනවා, හැබැයි දේවාලෙට ගියපු ගමන් අර අතේ තියෙන ඉතිරි ගාන ඩබල් වෙනවලු, හැබැයි ආයෙම එලියට එනකොට අතේ තියෙන අර ඩබල් වෙච්චි ගානෙන් තවත් රු.10කට තට්ටු වෙනවලු, ඊට පස්සේ  :බී: කියන දේවාලෙට යනකොට තව රු.10 ක් යනවලු....ඔය විදියට බී කියන දේවාලෙන් එලියට එනකොටත්  රු.10ක් අඩු වෙනවලු. ආයෙම :සී: කියන දේවාලෙට යන්න රු.10කුත් එලියට එන්න රු.10කුත් වියදම් වෙනවා, හැබැයි තියෙන එකම චාන්ස් එක හැම දේවාලෙකදිම අතේ තියෙන ගාන ඩබල් වෙන එක තමයි.... දැන් ප්‍රශ්නේ තියෙන්නේ මේ මෑන් ඔය දේවාල තුනටම ගිහින් එළියටත් එනවා හැබැයි අතේ රුපියලක්වත් ඉතුරුවෙනනෙත් නැතුව ඉතින් මං අහන්නේ මිනිහා දේවාල වලට යන්න කලින් අතේ රුපියල් කීයක් තිබුණද ? 
හරිම ලේහෙසියෙන් හදන්න පුළුවන්, ඔයාලත් හදලා උත්තරේ කමෙන්ට් එකකටම දාන්නකෝ.....

විවාහ ජීවිත පීළිබද විවිධ පුද්ගලයන්ගේ මත(උපුටාගන්නා ලදී)

එදා සහ අද ශ්‍රී ලංකාවේ ‍ඵෙතිහාසික සිද්ධස්ථාන

ශ්‍රී ලංකාවට අයත් ඵෙතිහාසික සිද්දස්ථානයන්ගේ එදා සහ අද තත්ත්වය පෙන්වන මෙම ඡායාරූප එකතුව මට ලැබුනේ මගේ මිතුරෙකුගෙන් ලැබුණු ඊ මේලයක් මාර්ගයෙන්..ඇත්තටම මේ ඡායාරූප එකතුව ගොඩාක් වටිනවා.. අපේ මතු පරම්පරාවටත් අපේ ඵෙතිහිසික උරුමයන් රැකගෙන සංරක්ෂණය කර භාරදිය යුතු බව මේවා බලන ඕනම අයෙකු සිතට ගත යුතුය

ගිටාර් ටියුනින් පරිගණකය සමගින්


මෙන්න අමාරු රාජකාරියක් කරන්න පහසුවෙන් හොයාගන්න පුළුවන් දෙයක්, මේක මම නම් හොයාගත්ත දෙයක් නෙමෙයි අන්තර්ජාලයෙන්ම බාගත්ත මෘදුකාංගයක්, අපේ සංගීතය ඉගෙන ගන්න අයට නම් මේක ගොඩාක් ප්‍රයෝජනවත් වෙයි කියලා හිතනවා. මම නම් මේක අත්හදා බැලුවා 99% ම සාර්ථතකව වැඩේ කරගත්තා,
මේච්චර කියන්නේ මගේ ගිටාර් එක ටියුන් කරගන්න මේක මට ලොකු උදව්වක් වුනු නිසයි. අපෙත් සංගීතයෙන් වැඩකිඩ දාන කට්ටිය පොඩ්ඩක් මේකත් අත්හදා බලලා කියන්නකෝ...(කොමන්ට් එකක් දාන්න හරියටම වැඩකලාද කියලා)
 මෙන්න මෙතනින් භාගන්න...


PitchPerfect Musical Instrument Tuner


වින්ඩොස් විස්ටා , සවන්, එක්ස් පී ප්‍රින්ටර් ‍ෂේයාරින් ගැටළු

ළගකදී මුහුණදෙන්න වුනු ගැටලුවකට ගත්ත පියවර කිහිපයක් අනිත් අයටත් එක්ක දැනගන්න සටහන් කලොත් හොදයි කියලා මට හිතුනා... මේන්න මේකයි ගැටළුව

වින්ඩොස් එක්ස් පී සහිත පරිගණකයකට ප්‍රින්ටරයක් සම්බන්ධ කරලා තියනවා, මේ ප්‍රින්ටර් එක ෂේයාර් කරලා තියෙන්නේ අනික් මැෂින් එක්ක පාවිච්චි කරන්න, නමුත් වින්ඩොස් විස්ටා හා ‍සෙවන් භාවිතා කරන පරිගණක දෙකකට අර එක්ස්පී මැෂින් එ‍කට සම්බන්ධ කරලා තියෙන ප්‍රින්ටර් එක හාවිතා කිරීමට නොහැකි වෙන ලෙස  නොයෙකුත් එරර් මැසේජස් ලැබෙනවා (Cannot Connect to the Printer xxx, Spooler Service not Running etc,)

වින්ඩොස් එක්ස්පී සර්විස් පැක් ත්‍රී

වින්ඩොස් සර්විස් පැක් 3 සංස්කරණය භාවිතයේදී මට ආපු එක ගැටළුවක් තමයි ෆයිල් ෂේයාර් කිරිමට ඇතිවන නොයෙකුත් බාදාවන්,  උදාහරණයක් ලෙස සර්විස් පැක් 3 ඉන්ස්ටොල් කරපු මැෂින් එකක් මයිනෙට්වර්ක් ප්ලේසස් වල නෙපෙන්වීම.
 මම මේක ලියන්නේ ඒ සම්බන්ධව විසදුම් දෙන්න පුළුවන් කෙනෙක් ඉන්නවානම් කමෙන්ට් එකක් විදිහට හරි ඒකට පිළිතුරක් ලබා ගැනීමේ හා මෙම ගැටළුවටම මුහුන දෙන තවත් අයෙක් ඉන්නවා නම් ඒ සම්බන්දව අවබෝධයක් ලබාදිමේ අරමුණින් .  මේන්න මේ ලින්ක් එකෙන් මට ගැටළු කිහිපයක් නිරාකරණය කරගැනීමට හැකියාව ලැබුනා.

http://support.microsoft.com/kb/307874

බලන්න ඔයාලටත් මේ ගැටලුවටම මුහුනදෙන්න වෙලා තියනවද කයලා?...

බුටබල් පෙන්ඩ්‍රයිව් එකක් විනාඩි කිහිපයකින්

මේ කතාකරන්නේත් මට අවශ්‍ය වුනු වෙලාවක ගොඩාක් උදව් වුනු මෘදුකාංගයක් ගැන මේකත් බොහොම පහසුවේන කරන්න පුළුවන් සිප්පල් ප්ලෑන් එකක්... අපි කවුරුත් දන්නවනේ අර පුංචි ලැප්ටොප් වල එහෙම සිඩී තැටි භාවිතා කරන්න ඔප්ෂන් එකක් නැහැ... ඉතින් ඒ වගේ වෙලාවක මේ උත්සහය කරලා බලන්න, මේ ලැප්ටොප් නෙමේයි ඕනම යු එස් බී වලින් බූට් කරන්න පුළුවන් මැෂින් එහෙකදී කරන්න පුළුවන් බොහොම පහසු වැඩක්...

මුලින්ම අපිට අවශ්‍ය වෙනවා 4 හෝ ඊට වැඩිය ධාරිතාවයකින් යුක්ත පෙන්  ඩ්‍රයිව් එකක්, ඊළගට  අපිට මේන්න මේ ‍මෘදුකාංගය ඩවුන්ලෝඩ් කරගන්න වෙනවා....WinToFlash tool මේ මෘදුකාංගය භාවිතා කරලා අපිට වින්ඩොස්  7, Vista, හෝ XP සදහා බුටබල් යු එස් බී පෙන් එකක් හදා ගන්න පුළුවන්.. 


මෘදුකාංගය ඩවුන්ලොඩ් කරලා ඒක රන් කරන්න දැන් ඉතින් කරන්න ඕන දේ මම විස්තර කරලා දෙන්න අවශ්‍ය වෙන්නේ නැහැනේ නේද උත්සහ කරලා බලන්න සෑහෙන ප්‍රයොජනවත් වෙයි කියලා හිතනවා.




නෙට්වර්ක් කනෙක්ෂන් ඩිසේබල් වෙලාද?

බලන්න ඔයාලටත් මේ වගේ ප්‍රශ්ණයක් ඇවිත් තියෙනවද කියලා? මේක මගේ යාළුවෙකුගේ මැෂින් එකක තමයි වෙලා තිබුනේ, හිටි ගමන් නෙට්වර්ක් කනෙක්ෂන්(ඩයල්අප්) ඩිසේබල් වෙලා, නැවත අළුතින් එකක් ක්‍රියේට් කරන්න තියෙන ඔප්ෂන් එහෙමත් ඩිසේබල් වෙලා, ඉතින් මම ටිකක් හොයලා බැලුවා මොකක්ද මේ කෙස් එක කියලා, මෙන්න ස්ටෙප්ස් ටික ඔයාලත් වුවමනා වුනොත් කරලා බලන්නකෝ...(මම සැක කරන විදිහට මොකක් හෝ වෛරසයක් නිසා  සිද්ධ වෙන්න ඇති)

කරන්න තියෙන්නේ බොහෝම සුළු දෙයයි.. පළමුවෙන්ම වින්ඩොස් සර්විසස් ටික ඕපන් කරගන්න ඕන...

Start > Control panel > Administrative tools > services

දැන් බලන්න මේ පහත තියෙන සර්විස් ටික ක්‍රියාත්මකයිද කියලා, එහෙම නැත්තම් ඒවා නැවත ක්‍රියාත්මක කරන්න...එතකොට ලෙඩේ හරි.....

Telephony
Remote Access Connection Manager
Remote Access Auto Connection Manager



මේ සර්විස් ක්‍රියාත්මක කරන ආකාරය සම්බන්ධව සදහන් කලොත් පහත පරිදි දක්වන්න පුළුවන්...


Right click on the service  Properties (or dbl click)  > Select the startup type (Automatic) > Start > ok




මම කරපු පියවර ටික පමණයි මා මෙතනදි සදහන් කලේ.. මේ සම්බන්ධව වැඩිදුර ‍තොරතුරු පසුව සදහන් කරන්නම්...

මාද අන්ධ විය !



කවිකමින් බැහැ මට ලියන්නට
නුඹ මගේ ජීවිතය හන්දා
තාලයක් නැහැ සමකරන්නට
නුඹේ තාලය මගේම හින්දා
හීනයක් නැහැ මට මවන්නට
සෑම හීනෙම නුඹෙම හින්දා
සැබෑවක් නැහැ තව කියන්නට 
නුඹයි මගේ ජීවිතය දන්නා............

හොල්මන් අවතාර ඇත්තද?





හැමදාමත් අළුත් දෙයක් ගැනම හොයන එකේ , මම හිතුවා අද හොල්මන් අවතාර ගැන ටිකක් කතා කරන්න. ඇත්තටම මම නම් තවම නියම අත්දැකිමකට ඒ කියන්නනේ හොල්මන් එහෙමත් නැත්නම් අවතාර සම්බන්ධව ලබලා නැහැ. නමුත් ඒ හා බැඳුනු කතාන්දර,සත්‍යය සිද්ධි, අද්දැකීම් ලබපු අය, එවැනි දේ සිදුවෙනවාය කියන ස්ථාන හා අනෙකුත් බොහෝ ඒ හා බැඳුණු සංසිද්ධීන් සම්බන්දව හොයලා බලලා තියනවා, එහෙම අය මුණ ගැහිලා කතා කරලා තියනවා. 


ඉතින් මෙවැනි භාහිර ලෝකයෙන් පිට එහෙමත් නැත්තම් සාමාන්‍ය මිනිස් ජීවිතයට නුහුරු දේවල් අපි කාටත් අහන්න ලැබිලා ඇති. නමුත් ඒ සම්බන්ධව කටයුතු කරන හො වැඩි දුර හොයා බලන කෙනෙකුන් තවමත් මට හමු වී නැත. හමු වී ඇති අයවලුන් කරන්නේ අවතාරද විකුණාගෙන කෑමකි, ඔවුන් එවැනි දෑ මත යැපීමට පුරුදු වී සිටින පිරිසකි, නමුත් මා මෙහිදී සොයාබැලීමට උත්සහ කරන්නේ සත්‍යවශයෙන්ම මෙවැනි අද්භූත සිද්ධීන් පිටුපස කුමන ආකාරයේ හෝ අරුමපුදුම සිද්ධින් හෝ හේතුකාරණා තියෙනවාද යන්නයි, අපි මේ කතාකරන මාතෘකාවම නැවත බැලුවහොත් අපිට තේරුම් ගැනීමට අපහසු කාරණා කිහිපයක්ම තියනවා

01. මෙවැනි දේ සෑම අයෙකුටම නෙපෙනීම
02. මෙවැනි දේ සම්බන්ධව කතා කිරීම ත්‍රාසය ගෙන දෙන්නක් වීම
03. බොහෝ දෙනෙක් මේ බොරු යැයි ප්‍රශ්ණය මඟහැරීම
04. ලොකයේ සෑම රටකම පාහේ මෙවැනී අත්දැකීම් සම්බන්ධව මතිමතාන්තර පැවතීම
05. පුරාණ කාලයේ පටන් අද දක්වාම නොනැසී පැවතිම
06. පියවි ඇසට නොපෙනීම හා හිටි හැටීයේ දර්ශණය වීම
07. බියගැන්වීමද බියවීමද?
08. මළ ගිය ප්‍රාණයන් ලෙස අර්ථදැක්වීම
09. රාත්‍රියත් සමඟ එසේත් නැතිනම් අදුර සමඟ පවත්නා සම්බන්ධය
10. දියුණු රටවල පවා මේ හා බැදුනු මති මතාන්තර
11. නවීන විද්‍යාවෙන් මේ පිළිබදව සොයා බැලීමට ඇති අපහසුතා
12. සොහොන් හා පාළු නිවාස තුල වැඩිපුර මෙවැනි දෑ ඇතැයි ප්‍රචලිත වීම

මේවැනි විසදුම් සොයා ගැනීමට අපහසු ගැටළු රාශියක් ඇති නමුත් මෙහි යම්කිසි සත්‍යතාවයක් නැතැයි බැහැර කල නොහැකිවීම.නිසා තවමත් මේ ගැටළුව අප අතරම පවත්නා බව සැබෑවකි. මෙවැනි අත්දැකීම් වලට මුහුණ දුන් බොහොමයක් දෙනා පවසන ආකාරයට ඔවුන්ට ර්‍දර්ශණය වී තිබෙන්නේ මළ ගිය ආත්මයන් එසේත් නොමැතිනම් නොපෙනෙන නමුත් ක්‍රියාකාරීත්වයක් පෙන්නුම් කිරීමට හැකි යම් කිසි ජීවි හෝ අජීවි සත්ත්ව කොඨ්ටාශයක් ය. මියගිය අයවළුන්ගේ සොහොන් මත හා ඔවුන්ගේ අයිතියට තිබු ඉඩම් දේපල ආදියෙහි නොපෙනෙන අයිතිකරුවකු ලෙස සැරිසැරිමද මේ අතර ප්‍රචලිතම කතාන්දරයන්ය. මේවැනි හා තවත් නොයෙකුත් සිද්ධි දාමයන් පුරාවට දිවෙන මේ අවතාරයන් දවසක එලියට ගත යුතුමය නමුත් මෙය සම්පුර්නයෙන්ම බැහැර කිරීමට හෝ සම්පුර්ණයෙන්ම පිළි ගැනීමට සමස්තයක් ලෙස කවුරුත් ඉදිරිපත් නොවන්නේ මේ සම්බන්ධව ඇති අනියත බිය හෝ මේය විශ්වාස කිරීමට තරම් සාධක කිසිවෙකුත් සතුව නොපවතිනා නිසාද? 


ආදරණිය නුඹට!


දුක නිවන්න කියලා කොච්චර  අඩන්නද? කවුරුවත් නොහදුනන නුඹව පමණක්ම හදුනන, ඒත් නුඹවත් ළග නැති පාළු ඉසව්වක තනිකම හැර වෙන කෙනෙක් මා හා සීටීවිද, අපි ආදරය කලාද එසේත් නොමැති නම් අපි අපිට ආදරය කරන්නේද? නොවිසිදුනු ගැටළු අතර ගැටළුවක් වීමට මා අකැමැත්තෙමි. වැටීම නම් පොදු ක්‍රියාවලියට හසු වී ගලා යන මගේ ජීවිතයේ එල්ලෙන්නට තුත්තිරි ගසක්වත් අසල නැත, එක සැඩ පහරේම ගලායන ජීවිතයේ නවාතැන යැයි මා නුඹට කියන්නේ කේසේද? එසේ සපත කිරීමට මා ළග කිසිවක් අද නැත, නුඹේ නමින් ගොඩනැගූ ආදරයනම් මන්දිරය තුල අද ඇත්තේ ප්‍රේමය නම් විචිකිචිඡාව පමණකි, දෙනොදාහක් දෙනා අතරෙහි තුරුල් වී දොඩමළු වු අපිට අද කිසිවෙකුත් නොමැති වු පාළු මන්දිරයක වුවද ළං විමට නොහැකී වී ඇත. හේතුව අහේතුකව හටගත් වෙන්වයාම නම් පොදු වු කර්තව්‍ය නිසාමය, 

විද්‍යාත්මක පර්යේෂණ සරලව.......

රත් වු වාතය...

හැමදාමත් එකම තැන එකම විදිහට ඉන්නේ නැතුව අළුත් දෙයක් කලොත් නරකද? ම්....මම මේ කියන්න හදන්නේ මම නිකම් නිදහසේ ඉන්න වෙලාවක් ලැබුනොත් කරන දෙයක් ගැන..අපි හිතනවට වැඩිය ලේසියෙන් පහසුවෙන් දෙවල් කරන්න පුළුවන් ඒත් මම දන්න විදිහට මම අත්හදා බලපු විදිහට මම මේක ඔයාලටත් කරන හැටි කියලා දෙන්නම්(මම නම් මේ දේවල් කලේ දැනට අවුරුදු 5කට විතර කලින්)....

මම මේහෙම කියන්නේ අද අපි කරන්න යන්නේ පහසුවෙන් අපිට සොයාගන්න පුළුවන් දේවල් භාවිතා කරලා උඩයවන්න පුළුවන් වායු බැලුනයක් හදාගන්න විදිහක් ගැන....මේක හරීම ලේසියි...

අවශ්‍ය දාව්‍ය
01. තුනී ලන්ච් ෂිට් -12
02. කුඩා කටුවක් (හැට්ට කටුවක්)
03. බකට් කම්බි මීටර් එකක් පමණ
04. ගනකම් පහන් තිරයක් (වැඩිවේලාවක් දැල්විය හැකි සැහැල්ලු තිරයක්)
05. පොල් තෙල්(තිරය දැල්වීම සදහා)
06. ඉටිපන්දමක් හෝ පහනක්

ක්‍රමය:-

මුලින්ම ලන්ච්ෂිට් 12 ම එකට එකතු කර තනි ෂිට් එකක් සාදාගත යුතුය. මේ සදහා ලන්ච්ෂිට් 2ක් ගෙන එහි කෙලවරවල් එක මත එක තබා කුඩා කම්බියක් හෝ කටුවක් රත් කර ඒ මතින් ඇදගෙන යන්න එවිට එම කෙළවරවල් දෙක එකට එක පෑස්සීම සිදුවෙයි.මේ ආකාරයට ෂිට් 12ම එකට එකතුකරගත යුතුය....
01.

ආලෝකයේ අඳුරට! සංසාර සිහිනයේ......



ටිකක් පරණ සින්දුවක් (ගොඩක් කල් වෙනවා එඩිට් කරලා) නිකමට වගේ හිතුනා ලින්ක් කරලා බලන්න. ඔයාලත් බලන්නකෝ වීඩියෝ එක සින්දුවට මැච් වෙනවද කියලා....

පරිගණක ගැටළු (NTLDR Compressed)

හදිස්සියේම මේ පොස්ට් එක දාන්නේ මේක අමතක වුනොත් අපරාධයක් වෙන නිසයි. මට පහුගිය දවසක තමයි මේ ගැටළුව ආවේ. මගේ මැෂින් එකේ පවර්සප්ලයි එකේ ‍ගැටළුවක් නිසා නිතරම රි-ස්ටාර්ට් වෙන්න ගත්තා ඊට පස්සේ ඔන්වෙන්නේ නැතිව NTLDR Compressed කියලා මැසේජ් එක එන්න ගත්තා. දන්න ශිල්ප දාලා බැලුවා හරිගියේ නැහැ පස්සේ අයිඩියා එකක් ගත්තා නෙට් එකෙන්, වැඩේ ගොඩ ඉතින් මට හිතුනා හැමෝටම බලාගන්නත් එක්ක මේක පෝස්ට් කරන්න එහෙනම් මෙන්න විසදුම...(මෙහිදී මම කෙටියෙන් විසදුම පමණක් පෙන්වා දී ඇත)


  1. වින්ඩෝස් සී.ඩී එකෙන් පරිගණකය පණ ගන්වා එහි රිකවරි කොන්සෝල් එකට ලොග් වෙන්න 
  2. පසුව සී ප්‍රොම්ට් එකට පැමිණ පහත ආකාරයෙන් විධාන ලබාදෙන්න.

        attrib -c ntldr


මේ ආකාරයෙන් විධාන ලබාදීමෙන් මෙම ගැටළුව මග හරවා ගත හැක... මේ සම්බන්ධව වැඩිදුර තොරතුරු මිළග ලිපියෙන් බලාපොරොත්තු වන්න....

ගොඩාක් දවසකින් ආයෙමත් බ්ලොගයට

කාලෙකින් බ්ලොග් එක දිහා බලන්නවත් බැරිවුනා ඒ තරමටම වැඩ තිබුනා,  ඒත් ඉතින් එහෙම කියලා කොහොමද නිකන් හිටියොත් බ්ලොග් එකේ මකුළු දැල් කඩන්න කොස්සකුත් අරගෙන තමයි එන්න වෙන්නේ. පොසොන් එකත් අත ලගම එනවනේ නේද? මොනවා හරි අළුත් දෙයක් කරන්නයි හිතාගෙන ඉන්නේ බලමුකෝ නේද ආ...... මට අමතක වුනානේ මේපාර වෙසක් එකට අපි ලොකුවැඩක් කරා, මම ඒකේ පින්තුර කිහිපයක් බ්ලොග් එකේ අලවන්න තමයි හිටියේ ඒත් ඒක මඟ හැරුනා, කමක් නැහැ මේ පෝස්ට් එක දාලම ඒකත් පොස්ට් කරන්නම්......දැනට මේ මදෑ....

ගසක අසිරිය...

මාළිගාවිල ගිය ගමනෙදීම මට හමුවුනු තවත් වැදගත්ම දෙයක් වුනේ රුක් කලා ප්‍රදර්ශණයක්, ඇත්තටම මේක ප්‍රදර්ශණයක්ම නෙවෙයි, නමුත් පිළිම බලන්න මාළිගාවිලට එන අයට දැකගන්න පුළුවන් වෙන විදිහට සිරිපාල මහතා  විසින් පවත්වාගෙන යන රුක්කලා ප්‍රදර්ශණාගාරයක්.., ඇත්තටම ගසක තියෙන ස්වාභාවික හැඩයන් උපයෝගී කරගෙන කරල තියෙන මේ නිර්මාන දැක්කම ගොඩාක් ආස හිතුනා එකක් අරන් එන්න, ඒත් සිරිපාල මහතා ඒවා මුදලට දෙන්න කැමති නැහැ, හේතුව ඔහු මේ වෙනුවෙන් මහත් කැප කිරීමක් කර තිබීමයි... ඒත් පින්තූර ගන්නවට විරුද්දත්වයක් නැති නිසා මමත් පුළුවන් විදිහට ගත්තා හොඳයි කියලා හිතෙන රුක් කලා වල පින්තූර ටිකක්, ඔයාලා හැමදෙනාටම බලාගන්නත් එක්ක මම ඒ ටික පොස්ට් කරන්නම්, බලන්නකෝ කොහොමද කියලා...




මාළිගාවිල සුන්දරත්වය (2)

 පින්තුර ටික එකටම දැම්මොත් වැඩේ අවුල් වෙන නිසා අනික් පිළිමයට අදාල පින්තුර ටික මේ පොස්ට් එකෙන් දාන්නම් (එහෙම හොදයිනේ නේද) පොඩි අවුලකට තිබුනේ අපි යනකොට ගොඩාක් හවස් වෙලා, ඉතින් ගන්න පින්තුර වලට අවශ්‍ය ආලෝකය මදි ඒත් ඉතින් එහෙම කියලා කොහොමද මම දන්න විදිහට මොබයිල් එක පාවිච්චි කරලා ගත්තා පින්තුර ටිකක්, එත් අදුරනම් වැඩියි කමක් නැහැ ඔයාලට දවසක ඇවිත්ම බලාගන්න පුළුවන් වෙයිනේ..... ඇත්තටම මාළිගාවිල පිළිම මම දාපු පින්තුර වගේද කියලා...

හිටි පිළිමය ඇත් ස්ථානයට යන ගමන්

හිටි පිළිමය හා ඒ අවට ඇති මළුව

මාළිගාවිල සුන්දරත්වය

මෑතකදී රාජකාරී කටයුත්තකට මාළිගාවිල පැත්තට යන්න චාන්ස් එකක් ලැබුනා, මීට කලින් මම එහේ ගිහින් තිබුනේ නැති නිසා එක පයින් මමත් කැමති වුනා ගමනට, මීට කලින් මාළිගාවිල පිළිම ගැන අහලා දැකලා තිබුනට හැබැහින් දකින්න අවස්ථාවක් ලැබුනේ නැහැ, ඉතින් රාජකාරිය ඉවරවුන ගමන්ම හැ‍රෙව්වා පිළිම බලන්න ඇත්තටම හරිම ලස්සනයි, ගොඩාක් බලන්න දේවල් නැතත් මම හිතන්නේ අපේ ඉතිහාසයේ වැදගත්ම කලා කෘති විදිහට මේවා අපි කවුරුත් නැරඹිය යුතුයි. ක්‍රි.ව 7වන සියවසට අයත් යැයි සඳහන් මෙම පිළිම වල පින්තුර ටිකක් ගන්න මට පාවිච්චි කරන්න උනේ මගේ ජංගම දුරකතනය..(ඒ නිසා පින්තුර පැහැදිලි මදි) ඉතින් මම හිතුවා මේ ටිකත් බ්ලොග් එ‍කේ එල්ලන්න එතකොට කාට කාටත් බලාගන්න පුළුවන්නේ...

බෝසත් පිළිමය
බෝසත් ප්‍රථිමාව ඇති ස්ථානය (ඇතුල්වීම)

ඉතින් අවසරයි සමුගන්න...!

අතීතයට ආයෙම නොයන්න
මතකයන් කිසිදින මතක් නොවෙන්න
සඳහටම වෙන්වෙන්නම් 
ඔබ හැමදාම සතුටින් නම්

නිහඩ හැම මොහොතකම
දෙසවන වැකුනු නුඹේ සුසුම් හඩ
හැමදාම මට ඇසේවී
නුඹ මා ළඟ විලසින්

හුරතලයට හිනාවුනු
විහිළුවට තරහ වුනු
කඳුළු බිදු මුව තෙමු
වියැකිලා නොවුන සේ

පන්හිඳින් සටන්කල
ප්‍රේමයක කුරුටු බලි
සැරිසරයි පිටු අතර
මියැඇඳුනු මතකවස්

කෙසේ එක් කරන්නද
සුසුම් වැල් නුඹ නමට
දිනුම පැරදුම අතර
සිරවෙලා නොවැද ම‍ම

ඉතින් මට අවසරයි සමුගන්න
කිසිදිනක නොයෙනුවස්
නුඹ නමින් අවදි වු
ප්‍රාණයක නිමාවට

2010 අවුරුදු සුභපැතුම..



2010
උදා වු සිංහල දමිළ අලුත් අවුරුද්ද
සියළුම ලක්වාසීන්ටත්
අපේ බ්ලොග් කරන හා කියවන
හැම දෙනාටමත්
සාමය සතුට සපිරි
පැතුම් ඉටුවෙන
සුබ අලුත් අවුරුද්දක් වේවා!


අළුත් අවුරුදු උදාව හා අවුරුදු චාරිත්‍ර

සුභ අළුත් අවුරුද්දක් වේවා!
අළුත් අවුරුදු උදාව....
ව්‍යවහාර වර්ෂ 2010 අප්‍රේල් මස 14 වැනි බදාදා පුර්ව භාග 06.58 ට සිංහල අළුත් අවුරුද්ද උදාවෙයි!

පුණ්‍යකාලය......
අප්‍රේල් මස 13 වෙනි අඟහරුවාදා මධ්‍යම රාත්‍රී 12.43 සිට 14 වන බදාදා අපරභාග 01.22 දක්වා පුණ්‍ය කාලය(නොනගතය) බැවින් 14 වන බදාදා පූ.භා. 00.34 ට පෙර කා බී සියලු වැඩ අත්හැර පුණ්‍ය කටයුතුවල යෙදීමද මැනවි.

ආහාර පිසීම.....
අප්‍රේල් මස 14 වැනි බදාදා පුර්වභාග 07.01ට පලාවන් පැහැති වස්ත්‍රාභරණයෙන් සැරසී උතුරු දිශාව බලා ලිප් බැඳ ගිනිමොලවා  කිරිබතක්ද උඳුමිශ්‍ර කැවිලි වර්ගයක්ද පිළියෙල කරගැනීම මැනවි.

වැඩ ඇල්ලීම, ගනුදෙනු කිරීම හා අනුභවය.....
අප්‍රේල් මස 14 වැනි බදාදා පුර්වභාග 09.07 ට පලාවන් පැහැති වස්ත්‍රාභරණයෙන් සැරසී උතුරු දිශාව බලා සියලු වැඩ අල්ලා ගනුදෙනු කොට ආහාර අනුභවය මැනවි.

හිසතෙල් ගෑම....
අප්‍රෙල් මස 15 වැනි බ්‍රහස්පතින්දා පුර්වභාග 10.06 ට රන්වන් පැහැති වස්ත්‍රාභරණයෙන් සැරසී උතුරු දීශාව බලා හිසට බෝපත්ද, පයට කොහොඹපත්ද තබා තෙල් සහ බෝපත් යුෂ මිශ්‍ර නානු ද ගා ස්නානට කිරීම මැනවි.

රැකීරක්ෂා සදහා පිටත්ව යෑම....
අප්‍රේල් මස 19 වැනි සඳුදා පුර්වභාග 06.42 ට සදුපැහැති වස්ත්‍රාභරණයෙන් සැරසී උඳු මිශ්‍ර ආහාරයක් හා කිරිබත් අනුභව කොට රැකීරක්ෂා සඳහා පිටත් වීම මැනවි.

සේවා අවශ්‍යතා සඳහා....
අප්‍රේල් මස 16 වැනි සිකුරාදා පුර්වභාග 06.08 ට නිල් පැහැති වස්ත්‍රාභරණයෙන් සැරසී එළකිරි මිශ්‍ර කිරිබතක් අනුභව කොට රැකීරක්ෂා සඳහා පිටත්වීම මැනවි.

හිසතෙල් සඳහා තෙල් වර්ග....
සාදාගත් නානුද, තෙල්ද,(තල තෙල්, මී තෙල්, අබ තෙල්, කොහොඹ තෙල්, සහ එඬරු තෙල් යන පස් තෙල්ද) ගා ස්නානය කිරීම මැනවි.

නානු සෑදීමට ගන්නා ඔසු වර්ග....
කළාඳුරු අල, කුම්කුමප්පු, සුඳුහඳුන්, විෂ්ණු ක්‍රාන්ති, ගෝරෝචන, සස්සඳ මුල්, ඉරිවේරිය, නස්නාරන් මුල්, සැවැන්දරා මුල්, නෙළුම් ඳඬු, ගොඩමානෙල් අල, බෙලිමුල්, වෙනිවැල් ගැට, ඊ තණ යන වර්ග 14 සමව ගෙන තලා අලුත් මුට්ටියක දමා තම්බා පත අට දෙකට සිඳ ගන්න. ඉන් පසුව දිවුල්පත් කොටා ඒවායේ යුෂද දෙහි ඇඹුල්ද ඉහත සිඳගත් දියරයට දමා හොඳට මිශ්‍රකොට සිරිසිදු රෙදිකඩකින් පෙරා ගන්න....

(2010 ලිතකින් උපුටා දක්වන ලදී)

විවෘතව කරන සංවෘත බ්ලොග් කරනය!

    ලෝකයේ හැමදේටම සීමා මායිම් තියනවා නමුත් අපේ නිදහස අපිට ඕන විදිහට පාවිච්චි කරන්න බැරිනම් ඒකෙන් වැඩක් නැහැ, මම මෙහෙම කිව්වේ අපිට ඕන ඕන දේ කරනවා කියන එක නෙවෙයි, නමුත් රටේ නීතියට, අද වෙනකොට මැරී මැරී තියන සංස්කෘතියට යටත්ව  අපේ ජීවිත වලට අදාලව විවෘතව කතා කිරීමේ අයිතිය අපි හැමෝටම තියනවා(සැකයි). 

    මේහෙම තියන අයිතිය යටපත් කරන්න නොයෙකුත් දෙනා විවිධ ආකාරයේ අකටයුතුකම් කරනවා, මේ වගේ දේවල් සාමාන්‍යයෙන් සිද්ද වෙන්නේ මේ භාහිර ලෝකේ විනරයි නමුත් අද වන විට ඒක මේ සයිබර් අවකාශය පුරාත් දැඩිලෙස පැතිරිලා තියනවා,

මඟ බලාගෙනම හිටියා,


මාසගානක් තිස්සේ මගබලාගෙන ඉදලා අද උඹ මට පේන නොපෙනෙන දුරකට ඇවිල්ලා ඒත්..අපි මොනතරම් පවුකරලා ඇතිද? මේ තරම් ලං වෙලත් අපිට අපි දැකගන්න තරම් වාසනාවක් නැහැ. ලග එන සිංහල අළුත් අවුරුද්දට උඹ දෙමව්පියෝ , සහෝදරයෝ බලලා යන්න ඇවිත් ඒත් උඹට මතක නැහැ දවස ගානේ උඹ එන පෙරමඟ බලාගෙන හීල්ලුවේ කවුද කියලා, ජීවිතේ තියෙනකම් උඹ එනකම් බලාගෙන ඉන්න මට පුළුවන් ඒ මම උඹවෙනුවෙන් උඹේ ආදරේ වෙනුවෙන් හදපු මාළිගාවේ තවමත් තනිවම නිසා, දවසක උඹ මටත් නොකියම වෙන මාළිගාවකට යාවී ඒත් උඹේ අවාසානාවට උඹට පෙම්කරපු මම හැමදාමත් උඹ එනකම් මඟ බලාගෙන ඉදීවී...

නුඹ නැති ලොවෙහි!


ංංංංංංංංංංංංං
එදා මා දුන් පොරොන්දුව
ඔබට මතකද? 
ඔබට නොපෙනුනද අද
මා එය ඉටුකර ඇත්තෙමි!
සිරුර වියැකී ගියද,
නුඹ නමට උපන් මසිත
තවමත් නුඹ ළගය
තවත් ආත්මයක් වෙතොත්
එක්ව ඉපදෙන්නට 
පතාගෙන සැතපෙමි
සදාකාලික නින්දෙහි
සීතල නුඹ ළය 
උණුසුම් කරනුවස්....
(කවදාවත් මාව තනි කරන්න එපා! )


අර්ථ රහිතයි...හෝ....!

සුවහසක් මහජනතාව වෙනුවෙන්
ඔවුනොවුන් නි‍යෝජනය කරමින්
අසමාන ලොකයේ එකඳු හෝ සමාන කමක් දක්වන
වචනයට ‍ගෝචර නොවු

මුදල නැමැති හුවමාරු ප්‍රේරකයට හසු නොවී
විරුද්ධපාර්ෂවය සමඟ එකිනෙක
ගැටීමකින් තොරව ගමන් කරන
නිර්වාණය නොහොත් අනන්තය
කරා යන උන්මාදය වලකන
රසය දන්නවුන් කිසි දින අත් නොහරින
නී රස ලෙස අර්ථවත් කරමින් අනුභව කරන
පංචවීධ ලක්ෂණයන්ගෙන්
එක්ව කැටි වු,
ශිෂ්ඨ සම්පන්න වු මිනිස් වර්ගයාම පමනක්ම නොව
අශිෂ්ඨ වුවන්ද විදින
අපිරිමිත ධෛරයෙන් රැකගෙන
අනාගතය නම් වු
මායාවට අපි රැගෙන යන
එකම සැනසීම ලෙස සොයන
ආදරය නුඹයි ..නිදිඇස
විවර නොකරන....

ප්‍රේමයක සැඟවුනැයි!

වචනයෙන් අති උතුම් ආදරය, 
පරිසමාප්තියෙන් කියතොත් කීමට දෙයක් නොමැති,
රාගයේ දේවේන්දයා අරක් ගත් ආදරය, 
රාත්‍රිය පුරාවට නිදි වර්ජිතව ගත කලද,
අර්ථවත් කිරීමට නොහැකි ආදරය, 
මුදලට නියම නොවන සිත් පිත් ඇති මිනිසුන්ගේම නිර්මාණයක් ලෙස අදහන, 
විටෙක  කන් කෙඳිරියෙන් ගමන් යන,
තවත් විටෙක ආවේගයෙන් සැරිසරන, 
සුන්දරත්වය නම් වු මායාවක මූලබීජය ලෙස තවත් වැපිරීමට ඇත්තේ,
අඟ මුල නොදත් ආදරයම පමණකි.....

උන් අපිට කරනවද? අපි උන්ට කරනවද?

(දේශයට උපන් දේශප්‍රේමීන්)

එහෙනම් අම්මේ! තාත්තේ! අමුතුවෙන් කියන්න ඕනේ නැහැනේ නේද? අපි දන්නව ඉතින් එදා ඉදන් තමුන්නාන්සේලා දුන්නේ අපිට කියන එක, මේ පාරත් ආයේ දෙකක් නැහැ..... අපි ගිහින් එන්නම්, ආයුබෝවන් කිව්වා! ජය වේවා! අපේ 0බ0ල0න්0න0  මැතිතුමාට ජය වේවා!

මේ හෙට අනින්දා එන මහ මැතිවරණය ගැන මුකුත් බ්ලොග් එකේ කුරුටු ගෑවේ  නැත්නම් ඒක ලොකු අඩුපාඩුවක් වගේ දැනෙයිනේ නේද? ඒක නිසා මම දන්න විදහට දේශයේ පාළුව මකන ම්නිස්සු ගැන. ටිකක් කතාකරන්න හිතුවා

නැතිවුන පාර්ටිෂන් නැවත ගන්න,

අපේ අතින් වැරදිලා හරි අපිට වැදගත් ෆයිල්ස් තියෙන පාර්ටිෂන් එකක් මැකුනොත් එහෙම ‍මොනතරම් දුකද නේද? ඒ වගේ වෙලාවට මේ මෘදුකාංගය භාවිතා කරලා බලන්න ඔයාලගේ නැතිවුනු ෆයිල්ස් එහෙමත් නැත්නම් අයින් වෙලාම ගිය පාර්ටිෂන් නැවත ගන්න පුළුවන්ද කියලා , මම නම් මේ මෘදුකාංගය භාවිතා කරලා ‍ගොඩාක් පාර්ටිෂන් එහෙමත් රිකවර් කරගත්තා, මේ මෘදුකාංගය මගින් අපි කලින් ෆෝර්මැට් කරලා ඉවත් කරනු ලැබු පාර්ටිෂන් ටෙබල් එක වුනත් නැවත ප්‍රතිස්ථාපනය කරගන්න පුළුවන්...ට්‍රයි කරලම බලන්න! මේන්න හැමොටම ගන්න පුළුවන් තැනකට දැම්මා....



දේව කණ්නලව්ව නොහොත් දෙයියන්ගේම පිහිට.

උදේ පාන්දර මොකාටද මේ එන්න හදන්නේ කියලා බැලුවද? මොකාටවත් නෙමෙයි ,අර මම කලින් ලිපියෙන් කිව්වා වගේ ජීවිතේ සහ ග්‍රහයෝ අතර තියෙන සම්බන්ධය වගේ ගොඩාක් ලොකු සම්බන්ධකමක් මේ වන විට බොහෝ දෙනෙක් දෙවිවරුත් එක්ක පවත්වනවා, මම මෙහෙම කියන්නේ දැනට මාස කිහිපයකට පමණ පෙර මටත් මේ වගේ දේකට මුහුණ දෙන්න සිදු වුන නිසා..ඒ කිව්වේ ඉතින් මේ දෙයියෝ ඇවිත් මාත් එක්ක කතා කලා කියන එක නෙවෙයි හොඳඳ?,දෙයියන්ගෙන් වැඩ ගන්න අරුම පුදුම මිනිස්සු මටත් අනන්තවත් මුණ ගැහිලා තියනවා. ඇත්තටම මට අදටත් ප්‍රශ්ණයක් ඇයි මේ දෙවිවරු මේච්චර මිනිස්සුත් එක්ක ගැවසෙන්නේ කියන එක,


ඕනම දෙයක් ඕනවට වැඩිය ඕනම නැහැ කියලා කතාවකුත් තියනවනේ නේද? මේ වගේ අපිට නොපෙනෙන හිතාගන්නවත් බැරි තරම් දෙවල් මත්තේ ඇයි මේ මිනිස්සු නැහැන්නේ! අපිට ඔළුවක් කියලා එකක් තියනවනේ අපේ ජීවිත අපිට ඕන විදිහට නැතුව ඇයි මේ එක එක බලවෙග වලට පාලනය කරන්න ඉඩ දෙන්නේ, අපිට සංස්කෘතියක් ආගමක් දහමක් තියනවනේ ඉතිං මොකටද මේ අහසේ ජිවත් වෙනවා කියන මිනිස්සුත් එක්ක මේච්චර විශාල ගනුදෙනු.....!

මේ ජීවිතය අපේමද ? (18+)




බ්ලොග් එකේ නම  :ජීවිතය අතින් ගෙන : කියලා දැම්මට ජීවිතය සම්බන්ධව කිසිම ලිපියක් පල කරන්න තවම බැරි වුනා, ඒකයි හිතුවේ ටිකක් වෙනස් මාතෘකාවක් ගැන කතාකරන්න ඕනේ කියලා. මේක මේ මට වෙච්චි දෙයක් එහෙම නෙවෙයි හොදද? 

ඇත්තටම අපි පුංචි අවධියේදි ඔය අහසේ දකින එක එක පාට පාට තරු වලට කොච්චරනම් ආදරේ කලාද?

දුරින් සිට ඔබ දෙස බලන්නම් ! (Computer Remote Admin)

අපි කවුරුත් කැමතියිනේ අපේ පරිගණකය හො අපේ යාළුවෙකුගේ පරිගණකයකට දුරස්ථව ඇතුලු වෙලා ඒක පාලනය කරන්න නේද? එහෙමත් නැත්නම් තව කෙනෙකුගේ පරිගණකයේ ඇතිවෙන ගැටළුවක් නිරාකරණය කරගන්න අන්තර්ජාලය හරහා සම්බන්ධ වෙන්න? මේක වැඩිය හිතන්න දෙයක් නැහැ ඒ සදහාම සැකසු විවිධ මෘදුකාංග ගොඩාක් අද අපිට අන්තර්ජාලය හරහා ලබාගන්න පුළුවන් නමුත් ලංකාවේ අද පවතින මේ හයිස්පිඩ් අන්තර්ජාල පහසුකම් එක්ක මේවා භාවිතා කිරීම 100 ට සියයක්ම සාර්ථක නැහැ..මමත් ඉතින් ඔය ගොඩාක් වැඩසටහන් භාවිතා කරා සමහර වැඩසටහන් හොදයි..නමුත් 100ට සියයක්ම නෙමෙයි, මම භාවිතා කරන වැඩ සටහන් අතුරෙන් එකක් තමයි "Logmein" නමින් එන පරිගණක දුරස්ථ කළමණාකරන වැඩසටහන  මා මෙහිදි අදහස් කරන්නේ දුරස්තව පරිගණකයක් හෝ කිහිපයක් පාලනය කිරීම සදහා ඉතා පහසුවෙන් භාවිතා කල හැකි මෘදුකාංගයක් පිළිබදවයි, මේ වැඩසටහන අපේ අවශ්‍යතාවය අනුව භාවිතාව වෙනස් වෙන්න පුළුවන්...  ගොඩාක් අය දැනටමත් මේ ගැන දන්නවා ඇති නමුත් නොදන්න අයට දැනගන්නත් එක්ක මම මේ පොස්ට් එක දාන්නම් මොනව හරි ප්‍රශ්ණයක් තියනවා නම් ‍කමන්ට් එකක් දාන්නකෝ.....



WGA Notification කොහොමද ඉවත් කරන්නේ?


අපි ඉතිං කොහොමත් භාවිතා කරන්නේ ඔර්ජිනල් වින්ඩෝස් එක්ස්පී  කියන එක රහසක් නෙමෙයිනේ නේද? මේ ලිපිය ගොඩාක් වැදගත් වෙන්නේ වින්ඩොස් ඔර්ජිනල් එක්ස්පී භාවිතා නොකරන අයට ඒ අතරිනුත් නිතරම අන්තර්ජාලය හා සම්බන්ද වෙලා වැඩ කරන අයට මේක ගොඩාක් වැදගත් වෙයි...වැඩි වැල්වටාරම් ඕන නැහැ කෙලින්ම යමු වැඩේ ඉවර කරලා දාන්න...

01. Windows Genuine Advantage කියලා මැසේජ් එකක් පරිගණකය ඔන් කරන වෙලාවට දිස් වෙනවානම් ඒ කියන්නේ පරිගණකයේ ලොගින් ස්ක්‍රීන් එකේ ඔයාලට මද වෙලාවක් රැදිලා ඉන්න වෙනවා... අපිට හදිස්සි වුනාට ඒ මැසේජ් එක ඉවත් වෙන්නේ තත්පර කිහිපයක ප්‍රමාදයකින් පසුවයි, මේ වගේ වෙලාවට ඉතිං බිල්ගේට්ස්ව එහෙම ගොඩාක් මතක් කරන්න වෙනවා,

02. මුලින්ම කරන්න තියෙන්නේ පරිගණකය Restart කරලා Safe Mode භාවිතා කරලා පරිගණකයට ඇතුල්වෙන්න (Safe Mode එකෙන් පරිගණකයට ඇතුලු වීමට Restart කරලා F8 key එක ඔබන්න, දිස් වෙන ඔප්ෂන් වලින් Safe Mode එක සිලෙක්ට් කරන්න)

03. Safe Mode එකෙන් පරිගණකය ඔන් වුනාට පස්සේ Start > Run > Reg edit  > Expand-  HKEY_LOCAL_MACHINE > SOFTWARE > Microsoft > Windows Genuine Advantage > Right Click and Delete This Key From The Registry (වෙනතු ගැටළුවක් ඇති නොවෙන්න රෙජිස්ට්‍රියේ බැකප් එකක් අරන් තියා ගත්තොත් ගොඩාක් හොදයි)

04. ඊළගට වින්ඩොස් ඩිරෙක්ටරියේ තියෙන ‍WGA එකට අදාල ෆයිල්ස් ‍සියල්ල ඉවත් කල යුතුයි මේ සදහා
වින්ඩොස් ඩිරෙක්ටරිය ඕපන් කරලා wga* යටතේ සර්ච් කරලා අදාල සියළුම ෆයිල්ස් ඉවත් කල යුතුයි...

05. 04 වැනි පියවර ක්‍රියාත්මක කිරීමේදි යම් යම් ගැටළු මතු වුවහොත් ටාක්ස් මැනේජර් භාවිතා කරලා Wga ෆයිල් එක සිලෙක්ට් කරලා එන්ඩ්ටාස්ක් දෙන්න මේ විදියට කරන ගමන් අර අපි කලින් සර්ච් කරලා හොයා ගත්තු ෆයිල්ස් සියල්ලම පරිගණකයෙන් ඉවත් කර දමන්න

06. සියළුම දේ අවසන් කිරීමෙන් පසුව පරිගණකය නැවත පණ ගන්වන්න. නිවරදිව ඉහත පියවර අනුගමනය කලා නම් දැන් අර කරදරකාරී මැසේජස් නොමැතිව පරිගණකය ඔන් විය යුතුය....

විශේෂ :-මෙම ක්‍රමය නිවැරදිව අනුගමනය කිරීමේන් මාද සාර්ථක ප්‍රතිථල අත් කර ගතිමි. නමුත් මෙය තමන්ගේම වගකීමෙන් භාවිතා කරන්න...

රිසයිකල් බින් එක නැති උනොත්?


අපි හැමොම ඉතිං මේ කියන්න හදන්නේ මොකක්ද කියලා දන්නවානේ නේද? අද මම කියන්න හදන්නේ රිසයිකල් බින් අයිතමය ‍ඩෙස්ක්ටොප් එකේ පේන්න නැති වුනොත් අපි කොහොමද ආයෙම මේක තිබුන විදියට සකස් කරගන්නේ කියන දේ පිළිබදව..හදිස්සියෙන් හරි කාට හරි උදව්වෙයි කියලා හිතෙන නිසා මම මේක කෙටියෙන් ලියන්නම් ...

01.රිසයිකල්බින් එක ඩෙස්ක්ටොප් එකේ පේන හරියක නැත්නම් මුලින්ම කරන්න ඕනේ

  • Right Click on the Desktop > Select Properties > Select Desktop Tab > Customize  > Click restore > Ok > Restart Computer


02. මේ ක්‍රමය හරිගියේ නැත්තම් අපි යමු දෙවන පියවරට....

  • Start > Run > Type "regedit" > Enter > මේ විදියට කලාම වින්ඩොස් රෙජිස්ට්‍රිය ඕපන් වෙනවා ඒකේන් පහත තියෙන කී එක එක්ස්පැන්ඩ් කරගන්න ඕන..
  • HKEY_LOCAL_MACHINE\SOFTWARE\Microsoft\Windows\CurrentVersion\Explorer\Desktop\NameSpace
  • Right click on the "NameSpace" >Select Edit > New > Key > and Copy & Paste following code
  • "{645FF040-5081-101B-9F08-00AA002F954E}" මේ කි එක කොපි කරලා අළුතෙන් අපි හදපු කී එකට පේස්ට් කරනන්න ඊට පස්සේ වින්‍ඩෝ එක වහලා දාලා පරිගණකය නැවත පණගන්වන්න, 
03. මේකත් හරි නොගියොත් ඉතිං අන්තිම පියවර විදියට මම මේ කියන ටිකත් කරලා බලන්නකෝ......


  • Start > Run > Type "gpedit.msc" > select User configuration > select Administrative Templates > Select Desktop > Select & Double Click on "Remove Recycle bin icon from Desktop" from left task pane > Select "Disable" > Apply > Ok
  • මේ ටික හරියටම කරලා සියළුම වින්ඩොව්ස් වහලා දාලා බලන්න රිසයිකල් බින් එක නැවත පෙර පරිදිම තිරය මත දිස් වෙනවද කියලා......මොනවා හරි ගැටළුවක් තියනවනම් අහන්න මම උදව් කරන්නම්...
  • ගොඩාක් දුරට මේ තත්ත්වය වෛරස නිසා ඇති වීමට පුළුවන් එවන් අවස්ථාවලා ප්‍රති වෛරස වැඩ සටහනක් භාවිතා කර වෛරසය ඉවත් වු පසු රිසයිකල් බින් එක නොමැතිනම් මෙම ක්‍රම අත්හදා බැලිය හැක......

වෛරස් වලට වැට!.(5)

අපි කලින් ලිපියෙදි කතා කලේ වෛරස් ආසාධනය නොවුන පරිගණකයකට පෙන් ඩ්‍රයිව් එකක් සම්බන්ධ කර (වෛරස ආසාධනය වු) වෛරස් ඉවත් කරන ආකාරයයි. දැන් අපි කතා කරන්න යන්නේ යම් හෙයකින් පරිගණකයටද වෛරස් ආසාධනය වී තිබුනොත් අපි මොකක්ද කල යුත්තේ අපේ දත්ත ආරක්ෂා කරගන්න, අපි බලමු අපිට මොනවද කරන්න පුළුවන් කියලා මේකට.

01. කලින් ලිපියෙහි සදහන් ආකාරයට ‍ෆෝල්ඩර් ඔප්ෂන් සකස් කලද හිඩ්න් ෆයිල්ස් නොපෙන්විම....

මෙම තත්වයට පිළියමක් විදියම අපිට පුළුවන් කමාන්ඩ් ප්‍රොම්ප්ට් භාවිතා කරලා මේ වැඩේ කරගන්න, මෙන්න කමාන්ඩ් ටික

Start > Run> Type " CMD" > ok > Type "cd\" >Enter > type the Drive Letter ("F:", "D:" ) > Enter > type "attrib -s -h" (just for Files Only) or type "attrib /s /d -s -h"(for all files and Folders) > Enter .......

මෙන්න ඉමේජ් ටික

01.
02.
03.
04.
ප්‍රශ්ණයක් නොවෙන්න ඔක්කොම ටික පින්තුර විදිහටම දැම්මා.. මේක භාවිතා කරන්න පුළුවන් පෙන් වලට විතරක්ම නෙවෙයි ඕනම ඩ්‍රයිව් එකක හැංගිලා තියෙන ෆයිල්ස් ෆෝල්ඩර්ස් එලියට ගන්න මේ කමාන්ඩ් එක භාවිතා කරන්න පුළුවන්... හැබැයි මම අර කලින් කිව්වා වගේ සිස්ටම්ස් ෆයිල්ස් මකන්න උත්සහ කරන්න එපා මේ කමාන්ඩ් එක වින්ඩෝස් ඩිරෙක්ටරිය තියෙන ලොකේෂන් එකේ භාවිතා කලොත් අපි නොදන්න ගොඩාක් ෆයිල්ස් ඔයාලට බලාගන්න පුළුවන් වෙයි ඒත් ඒවා මකන්න එපා හොද දැනුමක් වින්ඩෝස් ගැන නොමති නම්....

කෙටිකරලා ලියන්න කියලා බැලුවේ හැබැයි දිගටම ලියවුනා... ඔයාලත් මේ වගේ දේකට මුහුණ දිලා තියෙනවනම් උත්සහ කරලා බලන්නකෝ වැඩේ සාර්ථකයිද කියලා....

වෛරස් වලට වැට!.(4)

ගොඩාක් දවසකින් පස්සේ අල වෙලා තිබුණ වැඩ ටිකක් ඉවර කර ගත්තා, ටිකක් විතර ඔලුව නිදහස් ඔන්න ඉතින් නිදහස් කියපු ගමන් එක එක විදියේ වැඩ මතක් වෙන්න ගත්තා පළවෙනි එක තමයි මේ බ්ලෝග් එකට පෝස්ට් දැම්මේ නැහැ කියන අයිඩියා එක. ඉතින් තීරණය කලා මොනවා හරි පෝස්ට් කරන්න,...වෛරස් වලට අදාලවා (මගේ ආසම වැඩේනේ)

අපි ඔයාලා හැමොටම වගේ ආබාධයක් වෙලා තියෙන මේ පේන් ඩ්‍රයිව්ස් වලට එන එක එක විදියේ වෛරස් වලින් අපි පහසුවෙන්ම බේරෙන්නේ කොහොමද කියලා බලමු...(මේක කොටස් වශයෙන් දාන්නම් නැත්තම් අග මුල මැද නැති වෙයි )

01. පෙන් ඩ්‍රයිව් එකේ තියෙන් දත්ත හිටි හැටියේම නොපෙනී යාම....

මේක අපි ගොඩ දෙනෙක්ට මුහුණ දෙන්න වුන ගැටලුවක් කිව්වෝත් මා නිවැරදියි කියලා හිතනවා. මේකෙදී වෙන්නේ ඔටෝරන් විධානයක් එක්ක පුංචි වෛරසයක් (විවිධ නම් වලින්) පරිගණකයේ ස්ථාපිත වීමයි. මෙවැනි වෛරසයක් ඇතුලු වු පරිගණකයට පෙන්ඩ්‍රයිව් එකක් සවි කල විගසම මෙම වෛරසය එම පෙන්ඩ්‍රයිව් එකටද කොපි වෙනවා. මේ ආකාරයට ‍පරිගණකයෙන් පරිගණකයට බොහොම ඉක්මනට මෙයා ව්‍යාප්ත වෙනවා. බොහෝ වෙලාවට මෙම වෛරසය සහිත පෙන්ඩ්‍රයිව්ස් වලට ඇතුලත් කරන දත්ත අපිට පෙන්නේ නැහැ(හැම වෙලාවෙම නොවෙයි) ඒ වගේ වෙලාවට කරන්න පුලුවන් පහසුම දේයක් ගැන මම දැන් කියන්නම්(මේක මමනම් කිසිම ගැටලුවක් නැතිව භාවිතා කරනවා)

::පරිගණකයට පෙන්ඩ්‍රයිව් එක කනෙක්ට් කල ගමන් එයා ඔටෝරන් වෙලා ඔපන් කරන්නද කියලා ඇහුවොත් ඒක කැන්සල් කරලා දාලා , මයිකොම්පියුටර් එක ඕපන් කරලා මම මේ කරන විදියට කලෝත් ඔයාලගේ හැංගිලා තියෙන ‍දත්ත ගොනු ටික ආපහු ගන්න පුලුවන් වේවි....
වින්ඩෝස් එක්ස්‍ප්ලෝරාර් හරහා ‍ඩ්‍රයිව් එක ඕපන් කරගන්න.
මෙතනදී පෙන් ඩ්‍රයිව් එකේ අඩංගු දත්ත මොනවද කියලා අපිට බලා ගන්න පුලුවන් නමුත් වෛරස මගින් හානියක් සිදුවෙලා නම් සමහර විට මේ පේන්න තියෙන්නේ අපේ නියම ගොනු හෝ දත්ත නොවෙන්නත් පුලුවන් ඒ නිසා මෙතනදී ගොඩාක් සැලකිලිමත් විය යුතු වෙනවා.

උදාහරණයක් විදියට අපි ‍ගොනුවක් සදහා භාවිතා කරපු නම්න්ම ඒ ආකාරයේම ගොනු ‍පේන්‍ඩ්‍රයිව් ක තුල ගැටලුවකින් තොරව දිස් විය හැකියි, නමුත් පරික්ෂා කිරීමේදී අපිට බලාගන්න පුලුවන්(ගොනුවේ ධාරීතාවය, වර්ගය ආදිය මගින්) මෙය අපි භාවිතා කල ගොනුව නොවන බව. මීට හේතු වන්නේ මෙම වෛරස මගින් අපි නිර්මාණය කරන ලද දත්ත වලට හා ගොනුවලට අනුරූපව එයාගේම වෛරස ගොනු නිර්මාණය කීරීමයි. (නමුත් මේවා සියල්ලක්ම පාහේ *.exe එක්ස්ටෙන්ෂන් එකක් සහිත ගොනුය) මෙවැනි ෆයිල් මත ඩබල් ක්ලික් කිරීමෙන් හෝ ඕපන් කිරීමකින් අපි එම වෛරසය අපේ පරිගණකයේද නොමිලයේම ස්ථාපනය කර ගැනීම සිදු කරනවා. (එමනිසා මෙවැනි සැක සහිත කිසිම අවස්ථාවක එම ෆයිල්ස් ‍ඩබල් කිරීමෙන් හෝ විවෘක කිරීමේන් වලකින්න. ) නියම ලෙස යාවත්කාල කල ප්‍රති වෛරස වැඩසටහනක් මගින්ද මෙවැනි වෛරස බොහොමයක් ඉවත් කර ගත හැකිය. එසේ නොමැති නම් පහත සදහන් ආකාරයට කටයුතු කරන්න...

01.01 - පරිගණකයේම ඇති ඔප්ෂන් භාවිතා කරගෙන වෛරසය ඉවත් කිරීම.....
මේ සදහා අපට පරිගණකයේ ෆෝල්ඩර් ඔප්ෂන් විධානය භාවිතා කරන්න පුලුවන්. මුලින්ම පෙන්ඩ්‍රයිව් එක පරිගණකයට සම්බන්ධ කරලා -මයිකොම්පියුටර් ඕපන් කරලා මේ කියලා තියෙන විදිහට කරලා බලන්න (ඔබේ පරිගණකය වෛරස මගින් ආසාධනය වී නොමැති නම් සාර්ථක ප්‍රතිඵල ලබා ගත හැක)

Open My computer > Tools > Folder Options > View tab > Show hidden files and folders (under Hidden files & folders) > unchecked "Hide extensions for known file types" & "Hide Protected Operating system files" (if it will ask to confirm just click "yes") > Apply > Ok

ඔය ටික ඉවර වුනාට පස්සේ පෙන් ඩ්‍රයිව් එක එක්ප්ලෝරාර් හරහා ඕපන් කරලා බලන්න(කිසිම විටෙක ඩ්‍රයිව් එක මත ඩබල් ක්ලික් නොකරන්න) දැන් අපිට අර හැංගිලා තිබුනු ෆයිල්ස් ෆෝල්ඩර්ස් සියල්ලක්ම බලා ගන්න පුලුවන් , මේ අතර ඔයාලට හම්බවෙයි Autorun.inf / Autorun.ini වගේ ෆයිල් එකක් මෙන්න මේ ෆයිල් එක පරිගණකයෙන් සම්පුර්ණයෙන්ම ඉවත් කරලා දාන්න. ඊ ලගට බලන්න අපි භාවිතා නොකරන *.exe /cmd/batch / වගේ ෆයිල් එකක් හෝ කිහිපයක් තියනවද කියලා, මේ වගේ ඒවා තියනවා නම් එවාද පරිගණකයෙන් සම්පුර්ණයෙන්ම ඉවත් කරලා දාන්න. මේ ටික කරලා ඉවර වුනාට පස්සේ අපිට පුලුවන් අපේ හැංගිලා තිබුණු ගොනු හෝ ෆයිල්ස් ගැන හොයලා බලන්න (සමහර විට අපේ ෆයිල්ස් වල නම් වලින්ම වෛරසය තියෙන්නත් පුලුවන් එම නිසා ෆයිල් එක හෝ ෆෝල්ඩර් එක ඔපන් කරන්න කලින් රයිට් ක්ලික් කරලා වත්කම් ගිහින් බලන්න මේක මොන ටයිප් එකේ ෆයිල් එකක්ද කියලා)
(මේ තියෙන්නේ කරන්න ඕන ටික)


(ප්‍රෝපර්ටීස් ගියාම ෆයිල් ටයිප් එක බලාගන්න)

මේ විදිහට ගිහින් බැලුවාම ඒවා *.exe (Application) නම් (අපි භාවිතා නොකරන) ඒවාද ඉවත් කර දමන්න. මේ ආකාරයට ඩ්‍රයිව් එක සම්පුර්ණයෙන්ම ක්ලීන් කරලා ඉවර වුනාට පස්සේ පරිගණකයෙන් ඩිස්කනෙක්ට් කර නැවත පරිගනකයට සම්බන්ධ කරන්න (මේ වන විටත් ඔබේ ගොනු සම්පුර්ණයෙන්ම නිරාවාරණය කරගෙන නැති බැවින් එක්ප්ලෝරාර් හරහාම ඕපන් කර බලන්න) ඔබේ පරිගණකය වෛරස මගින් ආසාධන වී නැගි නම් දැන් අපිට අපේ හැංගිලා තිබුණු දත්ත පරික්ෂා කල හැක ...... වැදගත් : මෙහිදී මතක තබා ගත යුතු කරුණක් වන්නේ අපි සියලුම ගොනු පෙනෙන ආකාරයට පරිගණකයේ සැකසුම් කර ඇති බැවින් පරීගණකයේ ක්‍රීයාකාරීත්වයට කෙලින්ම යොදාගන්නා ෆයිල්ස්ද අපිට නිරාවරණය වෙයි නමුත් මේ කිසිම ෆයිල් එකක් ඔබේ පෙන්ඩ්‍රයිව්ස් එකේ නොමැත බොහෝවිට මෙම ෆයිල්ස් තිබෙන්නේ හාර්ඩ් ඩිස්ක් එකේය(c:\ ) කේසේ වෙතත් වැඩිදුර පිරිසිදු කිරීමේ අරමුණෙන් මෙවැනි ෆයිල්ස් මකා දැමීමෙන් වලකින්න

(ඉතිරිය මීලග ලිපියෙන්)::